హోషేయ లాంటి భక్తిపరుడు, పవిత్రుడు, ఇలాంటి స్త్రీని పెండ్లి చేసుకోవడమే గొప్ప త్యాగం! ఇంకా తనకు నమ్మకద్రొహం చేస్తున్న ప్రేమిస్తూనే ఉన్న హోషేయ మంచితనం చూస్తే ఎవరికైనా జాలి కలుగుతుంది. ఆ స్త్రీ పై కోపం వస్తుంది. నిజానికి హోషేయ స్థానంలో దేవుడు ఉన్నాడు, ఆ స్త్రీ స్థానంలో మనం ఉన్నాము.
అపవిత్రతో, అసహ్యమైన పనులతో బ్రతుకుతున్న మన పట్ల, పరిశుద్దుడైన దేవుడు కృప చూపి ప్రేమిస్తుంటే, ఆయన నుండి సకల మేలులు, వనరులు పొందుకుంటున్న మనం ఆయనను చులకనగా చూస్తూ,ఆయన ప్రేమను పట్టించుకోకుండా ఉన్నా, తన అపారమైన ప్రేమతో ఇంకా ప్రేమిస్తునే ఉన్నాడు. మనస్సు మార్చుకొని ఆయన ప్రేమను అర్ధం చేసుకోవాలని నీ సృష్టికర్త నీ కోసం ఎదురుచూస్తూ ఉన్నాడు.
మన స్వేచ్ఛలో నుండే మంచిని (దేవుణ్ణి) కోరుకోవాలి. అంటే దేవుణ్ణి విడచి తిరుగుతున్న ఈ జీవితం నుండి దేవుని వైపు తిరిగి, నీ హృదయం ఆయనకు ఇవ్వడం!తీర్మానం చెయ్యడం!! ప్రేమగల పరలోక తండ్రీ, నీ పాప క్షమాపణకై ఆయన ప్రియ కుమారుణ్ణి(యేసుని) శిలువపై బలిగాను, దానంగాను ఇచ్చేశాడు. ఎందుకంటే ఆయన పవిత్ర రక్తంలొనే నీ పాప విమోచన ఉంది. నీవు విశ్వసించిన వెంటనే అది నీకు వర్తిస్తుంది. క్రీస్తులో నిన్ను దాచి, తీర్పులో నుండి తప్పించి, నీతో సహవాసం చెయ్యాలని దేవుని ఉద్దేశ్యం. ఇలా దేవుడు నీ పట్ల ఆయన ప్రేమను తెలియజేస్తూన్నాడు. నీ మొదటి ప్రేమను దేవునికి ఇస్తావా?
Comments
Post a Comment