10 July 2017

యిర్మియా -"యెహోవా దేవా! నేను నీ నామాన్ని భరిస్తున్నాను.
నీ మాటలు నాకు దొరికితే వాటిని తిన్నాను. అవి నాకు సంతోషాన్ని, నా హృదయానికి ఆనందాన్ని కలుగజేశాయి.
రోజంతా యెహోవా వాక్కు నా మీదికి నిందను, హేళనను తెచ్చింది.

↪ "ఇక ఆయన పేరు నేనెత్తను, ఆయన నామమును బట్టి ప్రకటింపను" అని నేను అనుకొన్నానా? అది నా హృదయములో అగ్నివలె మండుతూ నా యెముకలలోనే మూయబడి ఉన్నట్లున్నది. నేను ఓర్చి యోర్చి విసికి పోయి ఉన్నాను కాని, ప్రకటింపక మానలేదు!" (యిర్మియా 15:16, 20:9)

నేను(శిష్యుడైన యోహాను) పరలోకం నుండి విన్న స్వరం మళ్ళీ నాతో --“వెళ్ళు! ఆ దూత చేతిలో తెరువబడివున్న గ్రంథాన్ని తీసుకో!” అని చెప్పింది.
↪ నేనా చిన్న గ్రంథాన్ని, దూత చేతినుండి తీసుకొని తినివేసాను. అది నా నోటికి తేనెలా మధురంగా ఉన్నది. కాని అది తిన్నాక నా కడుపుకు చేదుగా ఉన్నది.

ఆ దూత- “నీవు చాలా మంది ప్రజల్ని గురించి, దేశాల్ని గురించి, రాజుల్ని గురించి మళ్ళీ ప్రవచనం చెప్పాలి” అని అన్నాడు.(ప్రకటన 10:8-11)

✔ అబద్ద ప్రవక్త..జనులు/విశ్వాసులు ఏమి వినాలని కోరుకుంటారో ఆ మాటలు ప్రకటిస్తారు. అవి చెవులకు ఇంపుగా ఉంటాయి. వారిలో ఉన్న రోగాన్ని దాచి..ఆరోగ్యవతులుగా చూపిస్తారు. తుదకు అవి నిరంతర నాశనానికి నడిపిస్తాయి.
కానీ ప్రవచనాత్మకంగా చెప్పే మాట..జనులకు/విశ్వాసులకు/సంఘానికి ఏమి అవసరమో (దేవుని నుండి పొందిన మాటను) ప్రకటిస్తారు. కాబట్టే ద్వేషించబడతారు. సత్యాన్ని ప్రేమించే వారు, దైవ సంబంధులైన ప్రతి ఒక్కరూ దేవుని వాక్కును హృదయపూర్వకంగా హత్తుకుంటారు(యోహాను 3:19-21).

✔ రెండు నిబంధనల్లో ప్రవచనాత్మకమైన పరిచర్య, శ్రేష్టమైన పరిచర్య. పౌలు ఈ విధమైన పరిచర్యను ఎంతో ప్రోత్సాహించాడు(1కొరి 14). ప్రవచనాత్మకమైన దేవుని మాట తేనె వంటిది(యెహె 3:3). ఐతే పలుకబడిన ఆ మాటలు దేవుని యెదుట మన నిజస్థితిని తెలియజేస్తాయి. అవి హెచ్చరికలుగానూ, దేవుని గద్దింపులుగానూ, తీర్పులుగానూ ఉంటూ, ప్రకటించువారు ఆవేదనతో ప్రకటిస్తూనే, చేదైన అనుభవాల గుండా వారు వెళ్లారు. దేవుని ప్రవచనాలను ప్రకటించిన ప్రవక్తలు అనేక శ్రమలకు గురి అవ్వుతూనే దేవునికి విధేయులయ్యారు(లూకా 11:51).
ఈ విధమైన పరిచర్య వరాన్ని కోరుకున్న వారు తమను తాము మృతులుగా ఎంచుకోకపోతే దీనిని కొనసాగించలేరు.