దావీదు-"నా దేవా, నా రాజా నిన్ను నేను స్తుతిస్తాను. నిరంతరం నిన్ను నేను స్తుతిస్తాను. ప్రతిరోజూ నిన్ను నేను స్తుతిస్తాను. ఎప్పటికీ నీ నామాన్ని నేను స్తుతిస్తాను.నీ అద్భుతాలను గూర్చి నేను చెబుతాను.నీవు చేసే గొప్ప సంగతుల్ని గూర్చి నేను చెబుతాను"(కీర్తనలు 145:1-5)
↪ మనం ఆయనను అంగీకరించినా, అంగీకరింపక పోయినా మనమంతా ఆయన గొప్ప (సౌర్వభౌమ) అధికారానికి లోబడవాల్సినవారమే! (లోబడినవారమే!)
☑ మనం ఎప్పుడు పుట్టాలి? ఎక్కడ పుట్టాలి? ఎవరికి పుట్టాలి?ఎంతకాలం బ్రతకాలి? మన రంగు, రూపు, ఎత్తు మొద౹౹ నిర్ణయించినది ఆయనే! మన శరీరంలోని ప్రతి అవయవాలను,వాటి పనులను, వాటిలోని జ్ఞానాన్ని, మన తెలివితేటలను కలుగజేసింది ఆయనే!☑ మనం నిలుచున్నా, కూర్చొన్నా, అగాధం వంటి కటిక చీకట్లో దాక్కోన్నా కూడా దేవునికి అంతా స్పష్టమే! ఆయన సమస్తము స్పష్టంగా చూడగలడు. మన ముందు తరాలను చూచినవాడు. మనం పుట్టక మునుపే, మన రాబొయ్యే తరాలను, వారి పనులను చూడగలవాడు, భూత భవిష్యత్ వర్తమానాలను ఏకకాలంలో చూడగల వాడు ఆయనే!☑ సృష్టంతటి మీద సర్వాధికారం గలవాడు. గాలిని, భూమిని, సముద్రాలను ఆయన ఆధీనంలో ఉంచుకొనివున్నాడు. భూమి, అందులోని సమస్తం ఆయన సొత్తు! ఆయన చేతి వ్రేలితో పంచభూతాలకు ఆజ్ఞ ఇవ్వగలవాడు. సమస్త జీవరాసుల ఆకలిని తీర్చువాడు ఆయనే. ప్రతి జీవరాశి ఆయన ఆజ్ఞను గుర్తించును, వాటి భాషను ఎరిగినవాడు ఆయనే! కౄర జంతువులను సాధుజీవులుగా కూర్చొన బెట్టువాడు,అలలను రేపువాడు, నిమ్మలపర్చువాడు ఆయనే!
☑ ప్రతి పరిస్థితులపై సింహాసనాసీనుడుగా కూర్చొన్నవాడు. అధికారుల మనస్సును త్రిప్పగలవాడు. దీనులకు సమీపస్తుడై ఆశ్రయ దుర్గముగా నిలుచువాడు. వారిని హెచ్చించువాడునూ, గర్విష్టులను త్రోసివేయువాడునూ ఆయనే. దుష్టుడు(సైతాను) సైతం ఆయన అనుమతి లేకుండా ఎవ్వరిని ముట్టలేడు. పరలోక, భూలోక, పాతాల లోకాలపై సంపూర్ణ అధికారి.☑ యుగయుగముల నిత్య నివాసి ఆయనే! మన నిరీక్షణకు ఆధారం, విమోచన గొర్రెపిల్ల దాత, నిత్య సహవాసానికి ఎన్నికలేని దరిద్రులను పిలచువాడు. సంపూర్ణుడు, సర్వాధికారి, ఆకాశమందు బలిష్టుడు, యుగయుగములకు స్తోత్రాహుడు మహిమ స్వరూపుడైన త్రియేక దేవుడు.
❇ ఆ గొప్ప దేవుడు అన్ని కాలాల్లో స్తోత్రాహుడై ఉన్నాడు. ఆమెన్!
Comments
Post a Comment