దేవుడు చెప్పినట్టే ఏలీయా చేశాడు. ప్రతిరోజూ ఉదయాన సాయంకాలాన కాకులు అతనికి మాంసం, రొట్టెలు తెచ్చేవి. అతడు ఆ వాగు నీళ్ళు త్రాగేవాడు. కొంతకాలానికి దేశంలో వర్షం లేక ఆ వాగు ఎండిపోయింది.
మళ్ళీ దేవుడు ఏలీయాతో-"సీదోనులోని సారెపతు అను పట్టణానికి వెళ్లి, అక్కడ నివసించు. ఆ ప్రదేశంలో ఒక విధవరాలు నివసిస్తూవుంది. నీకు ఆహారం ఇవ్వమని ఆమెను ఆదేశించాను"
● కాకులు మాంసాన్ని పీక్కు తింటాయి, కాని తెచ్చిపెట్టవు. కరువులో బీద విధవరాలు ఆహారం కోరుకుంటుంది, కాని ఇవ్వలేదు. కాని ఏలీయా దేవుణ్ని నమ్మాడు. అసాధారణ కార్యాలను ఆయన చేయ సమర్ధుడు. విశ్వాసం ద్వారానే ఆ జీవితం జీవించవల్సి ఉంటుంది.
● దేవుని మాటను విలువగా యెంచి, విధేయత చూపే వారికి, ఆయన తన చిత్తాలను(ఆయన ఆలోచనలను) తెలియజేస్తాడు. దేవుని చిత్తాలు మన జీవితంలో నెరవేరాలంటే, మొదట లోకం(మనుష్యుల) అభిప్రాయంతో సంబంధం లేకుండా జీవించడం నేర్చుకోవల్సివుంటుంది(యోహా
● దేవునితో నడవడం ఒక ప్రత్యేకమైన జీవితం, నిజమైన జీవితం. అది సవాలుతో కూడిన పని. కొన్నిసార్లు ఒంటరితనాన్ని (యోహాను 16:32), ఆగ్రహలను(అకా 7:54), అవమానాలను (1రాజులు 22:24) ఎదుర్కొవల్సి ఉంటుంది.
● దేవుడు ఒక వ్యక్తిని నడిపిస్తున్నప్పుడు, ముందుగానే ఆ మార్గాలను, పరిస్థితులను, వ్యక్తులను సిద్ధపరచి సమకూడి జరిగిస్తాడు. అంటే శ్రమ, లేమి ఉండదని కాదు గాని, ఆ ప్రయాణంలో ఆయన మనకు తోడైవుండి, విశ్వాస పాఠాలను నేర్పిస్తూ, ఆయనను దగ్గరగా కనబర్చుకొంటూ, మనుష్యులను దీవిస్తూ వెళ్తాడు. మనం ధ్యానిస్తున్న దైవగ్రంధంలోని ప్రతి ఒక్క విశ్వాసవీరుడు నడచిన మార్గం ఇదే.మన జీవితంలో దేవుని మాట వినడమే మొదటి ప్రాధాన్యతైతే, ఇక ఆ గుంపులో మనం ఒకరమౌతాము.
Comments
Post a Comment