25Jan2018

❇ హేరోదు రాజు తన తోబుట్టువైన ఫిలిప్పు భార్య హేరోదియ తెచ్చుకున్నాడు. బాప్తిసమిచ్చే యోహాను రాజుతో౼“నీ సోదరుని భార్యను ఉంచుకోవడం అన్యాయం”అంటూ వచ్చాడు. గనుక యోహానును బంధించి, ఖైదులో వేయించాడు. అందుచేత హేరోదియ యోహాను మీద పగపట్టి, అతణ్ణి చంపాలని ఆశించింది. యోహాను నీతిమంతుడు, పవిత్రమైనవాడు అని హేరోదుకు బాగా తెల్సు కనుక అతణ్ణి కాపాడుతూ వచ్చాడు. హేరోదు యోహానుకు భయపడేవాడు. హేరోదు యోహాను మాటలు విన్నప్పుడు ఎంతో కలవర పడేవాడు. అయినా అతని మాటలు వినడానికి ఇష్టపడేవాడు.తన పుట్టిన రోజునాడు హేరోదు తన రాజ్యంలోని అధికారులను,గలిలయలోని గొప్పవారిని పిలిచి విందు చేశాడు.ఆ సమయంలో హేరోదియ కూతురు వచ్చి నాట్యం చేసి, హేరోదును అతని అతిధుల్ని మెప్పించింది. అప్పుడు హేరోదు ఆమెతో౼“నీకు ఏది ఇష్టమో అది అడుగు, ఇస్తాను!” అని అన్నాడు.

ఆమె తన తల్లిచేత ప్రేరేపించబడినదై౼“బాప్తిసమిచ్చే యోహాను తలను పళ్ళెంలో పెట్టి ఇప్పుడే నాకు ఇప్పించండి” అని అడిగింది.రాజు చాలా దుఃఖం పడ్డాడు కాని, తాను చేసిన ప్రమాణం కారణంగా తనతో కూర్చుని ఉన్నవారిని బట్టి ఆమె కోరికను తోసిపుచ్చలేకపోయి, ఆ ప్రకారమే జరిగించాడు. ❇

■ 'ప్రవక్త'౼దేవుని వాక్కును (కల్తీ లేకుండా)యధాతథంగా మోసుకొచ్చేవాడని అర్ధం!ఆ వాక్కు భవిష్యత్తు/హెచ్చరిక/ఆదరణ/వెల్లవల్సిన మార్గం కావొచ్చు!(క్రొత్తనిభంధనలో సంఘ క్షేమాభివృద్ధి కోసం దేవుడు ప్రవక్తలను వాడుకుంటాడు). సరిగ్గా ఎవరితో(/సంఘంతో), ఏమని దేవుడు పలుకమన్నాడో భయపడక, మెప్పుకోరక ఆత్మీయ క్షేమాభివృద్ధి కొరకు అవసరమైన దేవుని వాక్కును అందించే వాడే నిజ ప్రవక్త! బాప్తిసమిచ్చు యోహాను దేవుని ప్రవక్త! హేరోదును, హేరోదియను గద్దింపు వెనుక యోహాను ఉద్దేశ్యం విమర్శ కాదు గాని వారి ఆత్మల పట్ల దేవుని ప్రేమే! ధర్మశాస్తం ప్రకారం అది పాపం!అంతమాత్రమే కాక అనేకుల ముందు రాజుగా నిలబడివున్న హేరోదు ఒక తప్పుడు మాదిరిని ఇస్తూ అనేకులు పాపం చెయ్యడానికి కారణంగా ఉన్నాడు. కానీ వారు దేవుని సేవకుని(దేవుని) మీద తిరుగుబాటు చేశారు.ఉత్తరాన్ని బట్టి postman మీద కోప్పడి,హానిచేస్తే ఏమి ప్రయోజనం, దాన్ని పంపినవానితోనే కదా అసలు చిక్కు!

■ దేవుని వాక్కు వెలుగులాంటిది. అది మన చీకటి బ్రతుకు మీద ప్రకాశించినప్పుడు ఆ వెలుగులో సరిచేసుకోవాలే గాని తిరుగుబాటు చెయ్యకూడదు!దావీదు కూడా ఇదే పాపం చేశాడు కానీ దేవుడు గద్దించగా పశ్చాత్తాపడ్డాడు గాని తిరుగుబాటు చెయ్యలేదు.గద్దింపును తెచ్చిన వ్యక్తిని ఘనంగా ఎంచాడు.సత్యాన్ని వినాలన్నా, కళ్లముందు దానిని నిలిచివుంచాలన్నా ధైర్యం కావాలి!!! దేవుని మాటే సత్యం! (TRUTH is not just as an information to our heads). ప్రవచన వాక్యం నేడు మన జీవితానికి సరిగ్గా సరిపొయ్యే మాటగా ఉంటుంది. హేరోదు-హేరోదియ చర్యలను దేవుడు వ్యభిచారంతో సమానంగా చూస్తున్నాడు.వ్యభిచారంతో పట్టబడిన స్త్రీని విమర్శకుల నుండి క్రీస్తు కాపాడాడు.కాబట్టి క్రీస్తు ఉన్నట్లయితే యోహానును గద్దించి వీరిని కాపాడేవాడా? ఖచ్చితంగా కాదు!వారి చర్యల పట్ల వారి వైఖరి ఏంటి?పశ్చాత్తాపం ఉందా?లేక (అనుకున్నది దొరికింది కాబట్టి)దేవుణ్ని ఇప్పుడు క్షమాపణ అడిగాననే దొంగ నాటకాలు ఆడే జిత్తుల మారి నక్కలా?పరీక్షించాలి! అలాంటి వారు తమను గద్దించు వారి మీదకి దాడికి దిగుతారు.హేరోదు-హేరోదియలు అలాంటి వారే! క్రీస్తు కాపాడిన వ్యభిచారిణి, తన తప్పును యదార్ధంగా అంగికరించింది. ఎవ్వరి మీద ప్రతివిమర్శ చెయ్యలేదు.క్రీస్తు పరిసయ్యుల విషయంలో యోహాను వలె ఖండిచాడు.కృపను తప్పుడు స్థానంలో ఉంచి పాపంలో నిలిచి ఉండే వారికి ఆసరాగా నిలవకూడదు.వారి తప్పును బట్టి దేవుడు మనల్ని తీర్పులోకి తెస్తాడు.

◆ నిజంగా ప్రవచన వరం కలిగిన వ్యక్తులు(popular) ఖ్యాతి గడించరు గాని ఎక్కువ తిరస్కారానికి లోనౌతారు(క్రీస్తు,బాప్తిసమిచ్చు యోహాను ఇద్దరూ అందుకే చంపబడ్డారు).రెండు నిబంధనల్లో జరిగిన సంగతి ఇదే!ఈ పరిచర్యకు కావాల్సిన అర్హత-ఎవరి మధ్యలో ఈ సేవ చేస్తున్నవో వారిపట్ల మిక్కిలి ప్రేమ కలిగి ఉండటం.

పౌలు౼"ప్రవచన వరాన్ని ఆపేక్షించండి"(1కోరింది 14:1)