02Aug2017

 యేసు౼"ఒక స్త్రీ దగ్గర పది వెండి నాణేలు ఉన్నాయనుకోండి. అందులో ఒక నాణెం పోగొట్టుకొంటే ఆమె దీపం వెలిగించి, యిల్లంతా ఊడ్చి అది దొరికే దాకా జాగ్రత్తగా వెతకదా?
దొరికిన వెంటనే తన స్నేహితుల్ని, ఇరుగు పొరుగు వాళ్ళను పిలిచి పోగొట్టుకున్న నా నాణెం దొరికింది. మనమంతా ఆనందించుదాం! అని అంటుంది.
అలాగే పశ్చాత్తాపం పొందే పాపిని గురించి పరలోకంలో దేవుని దూతల సముఖంలో సంతోషం కలుగుతుందని మీకు చెప్తున్నాను" ❇

✔ ఆ స్త్రీ మిగిలిన 9 నాణేలు బట్టి ఉరుకోక, కోల్పోయిన ఆ ఒక్క నాణెం కోసం దీపం వెలిగించి, యిల్లంతా ఊడ్చి ఎంతో శ్రద్ధగా వెతికింది. క్రీస్తు చెప్తున్నాడు..ఇవ్వరైతే దేవుని నుండి దూరమైపోతూ పాపంలో జీవిస్తుంటారో, వారిని నీతి మార్గంలోకి తీసుకురావటం కోసం దేవుడు కూడా అలాగే శ్రద్ధగా వెతుకుతాడు. పాపం చేసిన వారి పట్ల పరలోక తండ్రి మనస్సును క్రీస్తు తెలియజేస్తున్నాడు.

✔ తోటి వారి ప్రవర్తనతో తమను తాము పోల్చుకొని 'నీతి' గా ఉన్నామని సంతోషపడే వారి కంటే అధికంగా, యదార్థంగా తమ తప్పును ఒప్పుకుని, ప్రవర్తన మార్చుకోవాలని ఆశించే వారిపై దేవుని శ్రద్ధ అధికంగా ఉంటుంది. పాపాన్ని యదార్ధంగా ఒప్పుకోలేని వారిని దేవుని హస్తం కూడా రక్షించలేదు. ఆయన చేతి క్రిందకు రాని వారిని ఆయన బలవంతం చేయ్యడు. ఒక మనిషి జీవితకాలంలో తన సృష్టికర్తను తెలుకుకోవటానికి సరిపడే వెలిగింపును, అవకాశాలను, జ్ఞానాన్ని ఆయన అందరికి అనుగ్రహిస్తాడు.

✔ భూమి మీద ఉన్న ఏ ఒక్కరు దేవుణ్ని విడచి తీర్పులోకి(నరక ఉగ్రత) వెళ్లాలని ఆయన ఆశించట్లేదు. దేవుని శిక్షకు సిద్ధంగా ఉన్న వారిని వెతికి, రక్షించడం కోసమే యేసు ఈ లోకానికి వచ్చాడు. మనుష్యులందరి పాపం(నరక ఉగ్రత) యేసు ఇష్టపూర్వకంగా తానే తన శరీరంలో, ఆత్మలో ఆ యాతనను భరించాడు. మనకు నిరీక్షణ ఇవ్వడం కోసం చనిపోయి, తిరిగి లేచాడు.యేసు ద్వారా దైవప్రేమ ఇలా మనకు ప్రకటించబడింది. యేసును రక్షకునిగా స్వీకరించి, పాపాల విషయమై రక్షకుని దగ్గర పశ్చాత్తాపడి, తమ స్వంత మార్గాలను విడిచి (మారుమనస్సు పొంది), దైవ మార్గంలోకి వచ్చే వారందరిని తన బిడ్డలుగా చేసుకుంటానని దేవుడు మాట ఇచ్చాడు.

☑ నిత్యం సంతోషం ఏలే పరలోక రాజ్యంలో, ఇన్ని కోటాను కోట్ల మంది ప్రజల్లో ఒకడ్నినైనా, నాలాంటి వాణ్ని(అల్పుని) బట్టి కూడా దేవుడు ఎంతో సంతోషిస్తునట్లేతే.. ఆయన మనస్సులో నా(నీ) విలువ(స్థానం) ఎలాంటిదో అర్ధమౌతుంది..ఆయన తన విలువైన స్వరక్తమిచ్చి నన్ను కొన్నాడు..కాబట్టి నేను సర్వోన్నతుని దృష్టికి విలువైన వాడనే! అది నా అర్హత కాదు గాని ఆయన కృపే!