22 July 2017

పరిశుద్ధాత్మ-"ఆనాడు ఎడారిలో మూర్ఖులైన మీ పూర్వీకులు నాకు కోపం రేపి ఎదురు తిరిగారు. నా సహనాన్ని పరీక్షించారు.కాని నేడు మీరాయన మాటలు వినబడుతున్నప్పుడు మీ హృదయాలు కఠిన చేసుకోకండి.

నేను 40 సంవత్సరాలు చేసినదంతా చూసి కూడా మీ పూర్వీకులు నన్నూ, నా సహనాన్ని పరీక్షించారు. కనుక నేను ఆ తరంవారిమీద కోపపడి,
౼ 'వీళ్ళు ఎప్పుడూ తమ హృదయాల్లో సత్యానికి దూరంగా ఉంటున్నారు. నా మార్గాలు తెలుసుకోలేదు. వాళ్ళు నా విశ్రాంతిలో ప్రవేశింపరు' అని ప్రమాణం చేశాను"

✔ "సోదరులారా(విశ్వాసులారా), జీవం గల దేవుని నుండి తొలగిపోయే, విశ్వాసంలేని చెడ్డ హృదయం హృదయం మీలో ఉండకుండా జాగ్రత్త పడండి. ఆ ‘నేడు’ అనేది యింకా ఉంది గనుక, పరస్పరం ప్రతి రోజు ప్రోత్సాహపరచుకొంటూ ఉండండి. అప్పుడు పాపం మిమ్మల్ని మోసం చెయ్యలేదు.

'మనలో మొదటినుండి ఉన్న విశ్వాసాన్ని చివరిదాకా గట్టిగా పట్టుకొనివుంటే, మనం క్రీస్తుతో కలిసి భాగం పంచుకొంటాం! (పాలివారమైఉంటాము)'

✔ దేవుని మాట విని కూడా తిరుగుబాటు చేసిందెవరు? ఐగుప్తులో నుండి మోషే బయటకు నడిపించిన వారందరే కదా!
దేవుడు 40 ఏళ్ళు ఎవరి మీద కోపపడ్డాడు? పాపం చేసిన వారి మీదే కదా! వారి మృతదేహాలు అరణ్యంలో పడిపోయాయి. తన విశ్రాంతిలో ప్రవేశించరని ఆయన శపథం చేసినది ఎవరిని గురించి? అవిధేయులను గురించే గదా.
దీన్నిబట్టి, వారు అవిశ్వాసం కారణంగా ప్రవేశించలేక పోయారని గ్రహిస్తున్నాం" (హెబ్రీ 3:7-18)

✔ అందుచేత, 'దేవుని విశ్రాంతిలో ప్రవేశిస్తాం' అన్న వాగ్దానం ఇంకా కొనసాగుతూ ఉన్నప్పుడే, మీలో ఎవరికైనా ఆ వాగ్దానం దక్కకుండా పోతుందేమో అని జాగ్రత్త పడండి.
దేవుని విశ్రాంతిని గూర్చి ఇశ్రాయేలీయులకు ప్రకటన జరిగినట్లే మనకూ జరిగింది. కానీ విన్న దానికి తమ విశ్వాసం జోడించని వారికి ఆ ప్రకటన వ్యర్ధమై పోయింది.(హెబ్రీ 4:1,2)

☑ పై మాటలు విశ్వాసులతో మాట్లాడుతున్నాడని గమనించండి. దేవుని వాగ్దానాలు నిరంతరం నిలిచివుంటాయి.కానీ స్వతంత్రించుకోవడానికి (అంతం వరకు) విశ్వాసం ఉండాలి. తిరుగుబాటు చేయడమంటే బుద్ధిపూర్వకంగా అవిధేయత చూపడమే!(పాపాన్ని సమర్ధించుకోవడం, తిరిగి లోకంతో పొత్తుపెట్టుకొని దిగజారిపోవడం వంటి ఆత్మీయ వ్యభిచారం). మొదట్లోని భక్తి చల్లారిపోయి ఈ స్థితికి వెళ్లడానికి ఎన్నో అవకాశాలు ఉన్నాయని బైబిల్ హెచ్చరిస్తుంది.

☑ అంతం వరకు ఆ విశ్వాసంలో నిలచిలేని వారు వాగ్దాన దేశంలో ప్రవేశించక పోయినట్లు, నేడు క్రొత్త నిబంధనలోని వాగ్దాన రాజ్యంలో ప్రవేశించాలన్నా క్రీస్తునందు నిలచివుండాలని వాక్యం బోధిస్తుంది.(రోమా 11:22, యోహాను 15:6, 2తిమోతి 4:7, 1యోహాను 2:6).